Бизнес үлгісі

Қазақстанның бірегей географиялық орналасуы

Қазақстан – географиялық тұрғыдан бірегей, едәуір ресурстар қоры бар және негізгі сауда бағыттарының қиылысында ұтымды орналасқан мемлекет. Еліміздің аумағы бойынша Еуропа мен Қытай арасындағы құрлық арқылы жүк тасымалы көлемінің шамамен 85 % өтеді.

Тұрақты экономикалық жағдайы

Қазақстан экономикасы Орталық Азиядағы ең ірі болып саналады және өңірдегі жиынтықты ішкі жалпы өнімнің 50 % астамын құрайды. Қазақстан экономикасының динамикасы тұрақты өсіп келеді.

Қолайлы инвестициялық орта және тұрақты реттеу режимі

Теңіздегі жаңа жобалар бойынша мұнайға салынатын экспорттық кеден бажын алып тастаудың, сондай‑ақ 2023 жылы Жақсыртылған модельдік келісімшартты (ЖМК) пайдалана отырып, күрделі жобаларды іске асыру үшін жаңартылған заңнамалық және салық базасын енгізудің нәтижесінде Қазақстан инвесторлар үшін әлдеқайда қолайлы әрі болашағын болжауға болатындай елге айналды.

Ұлттық мұнай‑газ компаниясының мәртебесі

• ҚМГ — көмірсутек секторында мемлекеттің мүддесін қорғауға уәкілеті бар Қазақстанның ұлттық мұнай‑газ компаниясы, бұл институционалдық қолдауды және мемлекеттік саясат тетіктерін пайдалануды қамтамасыз етеді.
• Мемлекеттік қолдау ескі активтердің экономикасын оңтайландыруға және босатылған қаражатты олардың тиімділігін арттыруға мүмкіндік беретін фискалды әрі салық преференцияларын қамтиды.
• Қолайлы және болжамды дивиденд саясаты компанияның бос ақша ағыны мен қарыз жүктемесінің деңгейін ескеріп отырады.

ҚМГ‑ның Қазақстан экономикасына ықпалы

• Нарықтағы үлесі басым. ҚМГ‑ға еліміз бойынша мұнай өндірудің 26 % және газ өндірудің 17 %, ұлттық мұнай тасымалдаудың 55 % жуығы және ішкі өңдеудің шамамен 80 % тиесілі.
• Ел экономикасында жүйе жасаушы рөл атқарады. ҚМГ мемлекет бюджетіне тұрақты түсімдерді, акционерлерге сенімді төлемдерді және инвесторлар мен кредиторлар алдындағы міндеттемелердің орындалуын қамтамасыз етеді. Компания – Қазақстандағы ірі жұмыс берушілердің бірі.

Құнды қалыптастырудың барлық тізбегі бойынша толық вертикалды интеграция

• ҚМГ‑ның геологиялық көмірсутектерді барлау мен өндіруден бастап тасымалдау, өңдеу, мұнай‑газ химиясы мен сервистік компанияларға дейінгі мұнай‑газ тізбегінің барлық кезеңдерін қамтитын әртараптандырылған активтер портфелі бар.

Саладағы көшбасшылық орны

Барлау

• Тікелей келіссөздер негізінде жер қойнауын пайдалану құқықтарына басым түрде қол жеткізе алады.
• Барлау активтерінің перспективті портфелі бар.
• Қарқынды геологиялық барлау қызметі (ЖГЗ 1.0 және ЖГЗ 2.0).
• Едәуір ресурстық әлеуеті және мұнай өсімін арттыру мүмкіндігі бар.
• Геологиялық‑геофизикалық деректері ауқымды.
• Стратегиялық серіктестерді кэрри‑қаржыландыру негізінде тарта алады.

Өндіру

• ҚМГ өзінің өндіруші активтерінен тұратын портфелінен бөлек, Қазақстанның үш ірі мегажобасында (Теңіз, Қарашығанақ және Қашаған) елеулі үлестеріне иелік етеді, бұл сенімді ресурстық базаны және өндірудің тұрақты деңгейін қамтамасыз етеді.

Өңдеу және маркетинг

• Мұнай өңдеу саласында көшбасшылық орынға ие.
• Заманауи әрі жаңғыртудан өткен кәсіпорындары бар.
• Озық өңдеу технологияларын енгізеді.
• Өңдеу қуаттарының өсу әлеуеті бар.
• Шикізат базасына кепілді түрде қол жеткізе алады.
• Өңдеу тереңдігі мен қосылған құны артып келеді.

Мұнай тасымалдау

• Басты экспорттық бағыттарға сенімді қол жеткізу.
• Мұнай тасымалдау активтерінің әртараптандырылған портфелі.
• Магистралды инфрақұрылымды бақылау.
• Жеке танкерлік флоты.
• Мұнай тасымалдау секторы бойынша нарықта көшбасшылық етеді.
• Экспорттық көлемдердің өсу әлеуеті.
• Тасымалдау активтері басты экспорттық бағыттарға сенімді қол жеткізуді қамтамасыз етеді.
• «ҚазТрансОйл» АҚ (ҚМГ‑ға 90 % үлесі тиесілі еншілес ұйым) — Қазақстан Республикасының магистралды мұнай құбыры жөніндегі ұлттық операторы.
• «Қазақтеңізкөлікфлоты» ұлттық теңіз кеме қатынасы компаниясы» ЖШС (ҚМГ‑ның 100 % еншілес ұйымы) — Қазақстандағы ең ірі кеме қатынасы компаниясы.

Қаржылық орнықтылық

• Үш жетекші халықаралық рейтинг агенттігі тарапынан инвестициялық кредиттік рейтингтері бар.
• Теңгерімді қарыз құрылымы.
• Халықаралық капитал нарықтарына тұрақты қол жеткізу.
• Жүйелі қаржы саясаты.

Мұнай‑газ химиясы жобалары – Компания өсуінің жаңа қозғаушы күші

Мұнай‑газ химиясының дамуы Компанияның тігінен интеграцияланған жүйесін күшейтеді және бүкіл құн тізбегі бойынша қосылған құн көлемін арттырады.

Салмақты әрі тәжірибелі менеджмент

Менеджмент тобы операциялық тұрақтылық пен инвестициялық ресурстарды дұрыс бөлуді қамтамасыз ете отырып, тәуекелдер мен капиталды басқарудың жүйелі тәсілімен қатар саладағы терең сараптаманы ұштастырады.

Заманауи корпоративтік басқару жүйесі

Компанияда үздік халықаралық тәжірибелер мен жария капитал нарықтарының талаптарына сай заманауи корпоративтік басқару жүйесі енгізілген.

Тұрақты даму қағидаттарын ұстануы (ESG)

ҚМГ ESG‑тәсілдерін Стратегиямен, операциялық қызметпен және инвестициялық шешімдермен біріктіре отырып, тұрақты даму қағидаттарын жүйелі түрде ұстанып келеді.